දේශිය ආදායම් දෙපාර්තමේන්තුව ශ්රි ලංකා ඉතිහාසයේ ඉහළම ආදායම වාර්තා කරයි
pahana news
දේශීය ආදායම් දෙපාර්තමේන්තුව ඉතිහාසයේ මෙතෙක් රැස්කරන ලද ඉහළම බදු ආදායම මේ වසර තුළ වාර්තා කර තිබේ.
ඒ රුපියල් බිලියන 2,002.241ක් බව දේශීය ආදායම් දෙපාර්තමේන්තුවේ කොමසාරිස් ජනරාල්වරයා නිකුත් කළ නිවේදනයේ දැක්වේ.
එය 2024 වසරට සාපේක්ෂව රුපියල් මිලියන 60,079ක වැඩිවීමකි.
2024 සමස්ත වර්ෂය තුළදී දේශීය ආදායම් දෙපාර්තමේන්තුව රැස්කරන ලද රුපියල් මිලියන 1,942,162ක බදු ආදායම සමඟ මේ වසරේ නොවැම්බර් මස 17 වන දින බදු ආදායම රුපියල් මිලියන 2,002,241ක් දක්වා වර්ධනය කරගැනීම මඟින් රාජ්ය මූල්ය තත්ත්වය ශක්තිමත්ව පවත්වා ගැනීමට දේශීය ආදායම් දෙපාර්තමේන්තුව දායකත්වය දක්වා ඇත.